Local Special Bodies

Naannayas ti panakaisayangkat iti pannakapili iti mangibagi para iti Local Special Bodies a buklen iti Municipal Development Council, Municipal Peace and Order Council ken Municipal School Board. Ti nasao nga aktibidad ket inisiatiba iti Lokal a Gobierno nga idauloan ti naayat nga ina iti ili, Mayor Weng babaen iti opisina ti Sangguniang Bayan nga ibagian ni VM Melvin G. Macusi a binayabayan ni CSO Desk Officer Edna Alvarez, MPDC Head of Office Susan Natividad kenni MLGOO Moises Sibayan. Daytoy nga aktibidad, malaksid a mandato ti linteg nga maiyataday iti DILG Memorandum Circular No. 2022-083, ket mangpasinged ti relasion ti LGU ken Civil Society Organizations.
Dagiti napili ket representante dan to iti Special Bodies para iti panagplano iti programa ken pagsaysayaatan ti Sudipen.