Livelihood Assistance para kadagiti Goat Raising&Production ken Rice Retailing Project

Nangisayangkat ti Department of Labor and Employment (DOLE) kadua ti LGU Sudipen ti panakaited dagiti Livelihood Assistance para kadagiti Goat Raising&Production ken Rice Retailing Project.
Nakipagpaset dagiti 15 a benepisiario a nagapu ti nadumaduma a barangay ti ilitayo ket naikkan dagitoy ti livelihood assistance babaen ti DOLE RO1 nga idauluan ni RD Exequiel Ronie A. Guzman nga inbagian ni Ma’am Veronica A. Corsino. Sangapulo (10) a kaban a bagas, limapulo ket innem (56) a kalding ken dua (2) a Chest Freezer iti naiyawat kadagiti benepisiario. Daytoy ket naimatangan ni Mayor Weng, SBM Bery Yadao, SBM Tita Mostoles, SBM Lina Leonen, SBM Mandy Adviento ken Peso Manager Michelle Amoyen.
Ti sibubukel a LGU Sudipen nga imatmatunan ti naayat nga ina ti ili, Mayor Weng, AGYAMANKAMI DOLE Region 1 iti agtultuloy a panangipapaayyo dagiti pagkasapulan ti kakailianmi!