LCAT-VAWC and MCPC First Quarter Meeting for 2026

Addaan urnos ken panagkaykaysa a nagleppas ti 1st Quarter Meeting iti LCAT-VAWC ken MCPC para iti tawen 2026 nga idadauloan ti aktibo ken naayat nga ina ti ili, Mayor Wendy Joy A. Dengayan. Naaramid ti meeting tattay malem ditoy MAOB Hall. Adda met ti presensia dagiti opisiales ti Sangguniang Bayan nga imatmatonan ni VM Ariel L. Adviento. Ditoy a naidatag dagiti naaramidan ti naglabas a tawen kasta met a naiparang dagiti nadumaduma a proyekto ken aktibidades para iti daytoy a tawen.

Naurnos a naplano dagiti trabaho, manipud kadagiti baro nga inisiatiba ti konseho agingga kadagiti programa a makatulong a mangted ti pagimbagan kadagiti umili.

Segun ti ina ti ili, dawat daytoy iti naan-anay a kooperasion ti tunggal maysa tapno maipatungpal dagitoy a plano para iti nadurdur-as nga ili a Sudipen.

Click here: https://www.facebook.com/share/p/1BnK92u9sA/