Kalpasan ti panagserbi dagiti estudiante, naipaayen ti sueldo da.

Inyawat ti naayat nga ina iti ilitayo, Mayor Wendy Joy A. Dengayan dagiti gunggona dagiti SPES Beneficiaries tattay malem, Hulio 16, 2025.
Ti Special Program for the Employment of Students wenno SPES ket nagbuligan nga ingannuat ti Department of Labor and Employment (DOLE-RO1) ken ti LGU Sudipen para kadagiti agkasapulan ti trabahoda nga agad adal ita a bakasion.Ti naited ket pakabuklan ti 60% a mabatayan ti LGU idinto ta iti 40% ti ited met ti DOLE.
Dinayaw ti naayat nga ina ti ili iti kinasalukag dagitoy nga estudiante, nangted pammagbaga ken karit tapno iti kasta saayaten dagitoy nga annak iti agadal para iti napintas ken naballigi nga inda masakbayan.
Kagiddan daytoy ti panakabigbig dagiti naggraduar nga annaktayo babaen iti daytoy a programa ket binigbig na iti balligi dagitoy nga ubbing agsipud ta saanda a sinayang iti opurtunidad a naited kanyada tapno makalpasda iti panagadal.

Please click link for more information:
https://www.facebook.com/share/p/171UaEctKz/