KALINGA AT INISYATIBA PARA SA MALINIS NA BAYAN (KALINISAN) PROGRAM

Kas paset ti panangselebrartayo ti Environmental Month 2025, naangay ti Inter-Agency Clean Up Drive itay agsapa, Hunio 3, 2025 sadiay Karayan Amburayan Barangay Ipet.

Daytoy a gannuat ket nagbinnuligan ti Lokal a Gobiernotayo a Sudipen babaen ti Municipal Environment and Natural Resource Office (MENRO) ken ti Department of Interior and Local Government (DILG) Region 1 nga indauloanni LGOO VII Cluster Leader Rocelyn Charina B. Flora, a nakipartisiparan dagiti probinsial
ken nasional nga ahensia kas ti PG-ENRO, OPAG, PNP, BFP, BJMP, TESDA, OJT a naggapo ti Central Luzon State University (Nueva Ecija), opisiales ti Barangay Ipet nga idauloan ni PB Clarence Makil, ken dagiti empleado ti Munisipio babaen ti liderato ni Mayor Weng.

Itultuloytayo ngarod daytoy napintas a gannuattayo para ti napintas ken nadalus nga aglawlaw ket mangted ti buya a napasindayaw.