Iti baetan ti panangsarsaranget tay ti COVID-19 Pandemic, immay met ni Bagyong Maring nga iti unos iti 24 oras ket adu dagiti dinadaelna
Iti baetan ti panangsarsaranget tay ti COVID-19 Pandemic, immay met ni Bagyong Maring nga iti unos iti 24 oras ket adu dagiti dinadaelna. Kasta met nga ado dagiti kalugarantayo a nalayos, naanod iti tarakenna ken naperdi iti mulana. Kas panangalay-ay iti kangrunaan a kasapulanda, naaramid ti pannakaiwaras iti food packs kadagiti kakailiantayo iti nadumaduma a barangay ditoy ilitayo a Sudipen nga indauluan ti naayat nga ina ti ili Hon. Wendy Joy D. Buquing.
Iti sibubukel a LGU – Sudipen, iyebkasmi ti napalaos a ragsak ken panagyaman kadagiti naayat a nangted iti tulong; DSWD, Cong. Pablo C. Ortega, BM Paolo Ortega, BM Gerard Ostrea, dagiti NGOs, Shawarma Shack, Rev. Fr. Alex Peralta – Holy Family Parish ken iti Carmelite Monastry a naggapu iti Manila. Babaen iti ayat ken tulongyo, maikkan amin dagiti kakailiantayo laksid iti pagkurkurangan iti pundo ti ilitayo.
