Inyusuat ti lokal a gobierno ti Sudipen ken ti Department of Trade and Industry (DTI-Region I) ti Negosyo Center
Inyusuat ti lokal a gobierno ti Sudipen ken ti Department of Trade and Industry (DTI-Region I) ti Negosyo Center a mangipaay serbisio kadagiti micro, small and medium enterprises (MSMEs) ditoy ilitayo a Sudipen.
Indauloan iti naayat nga ina iti ili Hon. Wendy Joy D. Buquing kenni DTI Regional Director Grace Falgui-Baluyan a binayabayan ni Provincial Director Merlie D. Membrere ti ceremonial launching ti nasao a pasilidad.
Binigbig iti ingungotentayo nga ina iti ili ti pagkasapulan para iti nasao a pasilidad kagiddan ti panagkunana a ti maysa a numero uno a pagtataudan ti revenue ti ili ket business licensing.
Kangrunaan nga akem ti Negosyo Center ti mangipaay iti tulong kadagiti kliyente nga agparehistro iti negosyo, partikular dagiti Barangay Micro Business Enterprises, iti panagparehistro ti business name ken dadduma pay.
