Skip to main content

Imnas ti Amburayan 2024 | Mayor Weng’s Interbarangay Tournament 2024

Iti maudi a rabii iti panangselebrar ti Kawayan Festival tatta a tawen, naangay iti Imnas ti Amburayan 2024 ken Awarding Ceremony iti Mayor Weng’s Interbarangay Tournament 2024.
Kas naisangsangayan a bisita, inyebkas ni Congressman Francisco Paolo “Paower” Ortega V iti nabara a kablaawna kadagiti amin a bibisitas ken kadagiti umili nga immay nakipagrambak ti Kawayan Festival 2024. Kasta met a nangibati iti naimbag a damag para kadagiti umindeg ti ilitayo a Sudipen.
Dagiti sumaganad dagiti nakoronaan ti daytoy nga Imnas ti Amburayan 2024:
Imnas ti Amburayan 2024 – Xyra Janell Manabeng
Imnas ti Amburayan Agri-Turismo 2024 – Princess Shannel Lacaden
Imnas ti Amburayan Agrikultura 2024 – Yessa Mendez
1st Runner Up – Zshanica Gat-eb
2nd Runner Up – Kristine Duque
Kasta met a naaramid ti awarding ceremony para iti Mayor Weng’s Interbarangay Basketball and Volleyball Tournament ti ilitayo a Sudipen.
Kampeon tatta a tawen ti Barangay Ipet iti Basketball, 1st Runner Up ti Barangay Turod, 2nd Runner Up ti Sengngat ket 3rd Runner Up ti Barangay Ilocano.
Iti benneg ti Volleyball Men, kampeon ti Barangay Sengngat, maikadua ti Barangay Poblacion a sarunwen met ti Barangay Namaltugan ken Barangay Ilocano. Iti benneg ti Volleyball Women, kampeon tatta a tawen ti Barangay Ilocano, maikadua ti Barangay Namaltugan. Inyalat met ti Barangay Castro ti maikatlo a puesto ken Barangay Ipet ti maikauppat a puesto.
Manipud iti sibubukel a LGU Sudipen, iyebkasmi ti naimpusuan a kablaaw kadakayo amin! Congratulations!

Official Website of Municipality of Sudipen