General Assembly Meeting dagiti Empleado ti LGU Sudipen, Naballigi a Naisayangkat
Naiyusuat a naballigi ti General Assembly Meeting dagiti empleado ti Lokal a Gobierno ti Sudipen nga indauloan ti naayat ken naalibtak nga Ina ti Ili, Mayor Wendy Joy A. Dengayan.
Iti nasao a taripnong, natratar dagiti napateg a pakasaritaan ken plano ti organisasion, kas dagiti wagas para ti pannakaipatungpal ti Energy Conservation Measures, panagplano para iti Team Building, palagip kadagiti pagallagadan ti CSC maipapan ti Leave, Travel, Pass Out ken Overtime, ken dadduma pay a banag a mangpasayaat iti panagtrabaho ken panagserbi iti publiko. Naikkan met ti gundaway dagiti empleado a mangibingay kadagiti an-anek-eken, suhestiyon, a nagtitinnulongan a naikkan ti solusion.
Daytoy ket mangipakita iti kinapateg ti nalawag a komunikasion ken aktibo a pannakipaset ti tunggal empleado iti pannakagun-od dagiti panggep ti lokal a gobierno. Ti General Assembly Meeting ket naisayangkat tapno mapapigsa pay ti panagkaykaysa, panagmaymaysa ti panggep, ken panagserbi a nabuyogan ti kinamanagayat, kinamanagtalek, ken dedikasyon para iti pagsayaatan dagiti umili ti Sudipen
CLICK HERE: https://www.facebook.com/share/p/1D688R9gnH/