Skip to main content

Flag Raising Ceremony para sa Unang Lunes ng Oktubre

Indauluan ti naayat nga ina iti ilitayo a Sudipen, Mayor Weng ti Flag Raising Ceremony para iti umuna a Lunes iti bulan ti Oktobre. Nakipagpasetan daytoy dagiti opisiales iti Sangguniang Bayan nga imatmatunan ti ama iti ili, VM Melvin G. Macusi, empleado ti munisipio ken dagiti nasional nga ahensia kas iti MTC, PNP ken BFP.
Kagiddan daytoy ti panangselebrar iti 2023 Elderly Filipino Week adaan tema: “Panangpadayaw Kadagiti Napateg a Tawid Dagiti Pilipino a Senior Citizens” ken iti 34th National Statistics Month nga adaan tema: “Accelerating Progress: Promoting Data and Statistics for Healthy Philippines.”
Naisaganad iti ababa a programa idiay MAOB Hall a no sadinno a naiparang dagiti agkasangay ita a bulan. Nangibingay met ni Pastor Estrella Estacio iti sao ti Apo. Anag ti mensahe daytoy a ti tao a mapagtalkan kadagiti babassit a banag, mapagtalkanto met kadagiti dadakkel. Ngem ti saan a matalek kadagiti babassit a banag, saan met a mapagtalkan kadagiti dadakkel.

Official Website of Municipality of Sudipen