Flag Raising Ceremony para iti umuna a Lunes ti bulan ti Agosto

Nakipartisipar met dagiti opisiales ken empleado ti lokal a Gobierno ti Sudipen, kadua dagiti nadumaduma a nasional nga ahensia ti gobierno, MESSIAH, ken kapitanes ti barbarangay. Naiparang met dagiti agkasangay tatta a bulan kas maysa a panangipakita ti panangbigbig ken panangidayaw kadakuada.

Naisaruno iti ababa a programa a no sadinno a naibingay met ti sao ti Apo babaen ken Pastor Noel Amoyen, a nangipalagip kadatayo iti panagiinayat ken panagsisinakit kas annak ti Dios, tapno maipaduyakyak iti inaldaw a biag ken iti panagserbi kadagiti padatayo. Naibingay met dagiti kangrunaan a pakaammo ken aktibidad ti munisipio.

Agkaykaysatayo ngarud tapno iti kasta maitedtayo ti nasayaat, naimpusuan ken napudno a serbisio kadagiti kakailian para iti agtultuloy a panagdur-as ti nasudi nga ilitayo.