Flag Raising Ceremony para iti Umuna a Lunes iti Bulan ti Septiembre

Naaramid ti Flag Raising Ceremony para iti umuna a Lunes iti bulan ti Septiembre nga indauloan ti naayat nga ina iti ili, Mayor Weng a binayabayan ni VM Melvin G. Macusi karaman dagiti miembro iti Sangguniang Bayan. Nakipartisipar met dagiti empleado ken nadumaduma a National Government agencies.
Kalpasanna, naangay iti ababa a serbisio nga inannong dagiti MESSIAH babaen kenni Pastor Michael Bawas a nangipalagip nga sapaykoma ta agbalintayo nga napudno a gayyem ken matalek ti sangoanan ti Dios ken kadagiti tattao. Naiparang met dagiti agkasangay ita a bulan ken nakipagselebrar ti lokal a gobierno ti Sudipen iti 2023 Philippine Councilors League (PCL) Week ken 123rd Philippine Civil Service Anniversary.
Naisaganad iti taripnong dagiti konseho iti Municipal Development Council a no sadinno a nailatad dagiti programa para iti pagsayaatan ti ili.