Flag Raising Ceremony para iti umuna a Lunes iti bulan ti Mayo

Naaramid ti Flag Raising Ceremony para iti umuna a Lunes iti bulan ti Mayo nga indauloan ti naayat nga ina iti ili, Mayor Weng a binayabayan ni VM Melvin G. Macusi karaman dagiti miembro iti Sangguniang Bayan.
Nakipartisipar met dagiti empleado ken nadumaduma a National Government Agencies, kakapitanes ken dagiti MESSIAH. Kalpasanna, nagturong dagitoy iti MAOB Hall para iti ababa a serbisyo nga inannong dagiti MESSIAH babaen kenni Pastor Victor Dagacan.
Naiparang dagiti agkasangay tatta a bulan. Naawagan met amin nga inna ket naikkanda iti regalo kas panangselebrar ti Mother’s Day tatta bulan bayat iti panang-serenade ni Ma’am April Amoyen. Kasta met a naiparang dagiti baro nga opisial ken empleado ti LGU Sudipen.
Sakbay a nagleppas iti programa, nagyaman iti naayat nga ina ti ili, Mayor Weng iti partisipasion ken panangkaykaysa iti tumunggal maysa iti kallabes a selebrasion ti Kawayan Festival 2024 ta nagbalin daytoy a naballigi.
Kalpasanna, naisaganad iti taripnong dagiti konseho iti Municipal Development Council a no sadinno a nailatad dagiti programa para iti pagsayaatan ti ilitayo.