Skip to main content

Flag Raising Ceremony para iti umuna a Lunes iti bulan ti Hunio

Naaramid ti Flag Raising Ceremony para iti umuna a Lunes iti bulan ti Hunio nga indauloan ti naayat nga ina iti ilitayo, Mayor Weng. Nakipagpasetan daytoy dagiti opisiales iti Sangguniang Bayan nga indaluan ni VM Melvin G. Macusi, empleado ti munisipio, MESSIAH ken dagiti nasional nga ahensia kas iti MTC, PNP ken BFP.
Naisaganad iti ababa a programa idiay MAOB Hall a no sadinno a naiparang dagiti agkasangay ita a bulan. Nangibingay met ni Pastor Brofe Bangayan iti sao ti Apo. Naayaban met amin a Tatang wenno Amma ket naikkanda ti regalo kas panangselebrar ti Father’s Day tatta a bulan.
Kamaudiananna iti panagtataripnong iti Municipal Development Council a no sadinno a nailatad dagiti programa ken aktibidades para iti pagsayaatan ti ilitayo.

Official Website of Municipality of Sudipen