Flag Raising Ceremony iti umuna a Lunes iti bulan ti Marso

Naaramid ti Flag Raising Ceremony para iti umuna a Lunes iti bulan ti Marso nga indauloan ti Sudipen Bureau of Fire Protection ken Municipal Accounting Office. Nakipartisipar met dagiti opisiales, empleado ken nadumaduma a nasional nga ahensia ti gobierno, MESSIAH ken dagiti kakapitanes. Kalpasanna, nagturong dagitoy iti MAOB Hall para iti ababa a serbisio nga inannong dagiti MESSIAH.
Napadayawan dagiti babbae nga empleado kas panangselebrar iti National Women’s Month nga adaan iti tema: “Lipunang Patas sa Bagong Pilipinas: Kakayahan ng Kababaihan, Patutunayan!” Kasta met a naiparang dagiti agkasangay ita a bulan, baro nga empleado ken dagiti napromote ti munisipiotayo ket naikararagan dagitoy.
Kamaudiananna, naangay ti binulan a miting ti Municipal Development Council (MDC) nga indauluan ti naayat nga ina ti ili, Mayor Weng. Ditoy a naidatag dagiti nadumaduma nga aktibidad a maangay iti umadanin a panagFiesta iti ilitayo a Sudipen.