Flag Raising Ceremony

Naaramid ti umuna a Flag Raising Ceremony ita a bulan babaen ti panangidaulo ti opisina iti Municipal Budget Office (MBO) ken Municipal Environment and Natural Resources Office (MENRO). Nakipagpasetan daytoy ti amin nga opiales ken empleado ti munisipio nga idadauloan ti naayat nga ina ti ili, Mayor Weng kenni VM Melvin G. Macusi, kameng iti Sudipen Municipal Police Station, Sudipen BFP, MTC, NCIP, MESSIAH ken dagiti kakapitanes ti ili.

Kasaruno daytoy ti ababa a serbisio nga innanong dagiti MESSIAH babaen ken Pastor Mylene Andaya ket inpalagip na dagiti prinsipio ti panagserbitayo ti Apo. Naiparang ken naikararagan dagiti agkasangay ita a bulan. Naayaban met amin a Tatang wenno Amma ket naikkanda ti regalo kas panangselebrar ti Father’s Day tatta a bulan ti Hunio. Kasta met a nabigbig ti Municipal Civil Registry Office kas Best Solid Waste Management Implementer-LGU Category iti bulan ti Mayo. Naiyam-ammo met ti baro a DCOP, PLT Reynaldo Dulay ken ti baro nga Officer-in-Charge ti Sudipen Municipal Police Station, PCPT Roy K Toyoken Jr.

Kalpasan ti programa, naisaganad ti miting ti Municipal Development Council (MDC) a pinartisiparan dagiti Kapitanes ti Barangay, pannakabagi dagiti NGOs ken dadduma a sektor ti kagimongan. Nailanad dagiti maipapan kadagiti nalpas, agdama ken maaramid a proyekto iti masakupan ti Munisipalidad.