Flag Raising and 1st Monday Program
Indauluan ti Municipal Planning and Development Office ken National Commission on Indigenous Peoples iti naaramid a Flag Raising ken 1st Monday Program tatta a bulan ti Hunio nga inatendaran dagiti empleado, opisiales, kapitanes ken iti nadumaduma a nasional nga ahensia ti gobierno. Kasta met a nakipaset iti nasao a programa dagiti MESSIAH.
Naisagannad iti ababa a programa idiay Alexander Hall ket inbingay ni Pastor Edilberto Fabro Andade iti sao ti Apo. Naiparang met dagiti agkasangay tatta a bulan. Naayaban met amin a Tatang wenno Amma ket naikkanda ti regalo kas panangselebrar ti Father’s Day tatta a bulan.
Kalpasan iti programa, naiwaras dagiti Tanod Vests kadagiti Punong Barangay ken Barangay Tanod. Daytoy ket naggapo ti Provincial Government of La Union nga imatmatunan iti naayat nga ina ti probinsia Gob. Raphaelle Veronica “Rafy” Ortega-David. Agyamankami PGLU ken Gob. Rafy!
Inala met daytoy a gundaway ni Atty. Marvin C. Biligan Development Mangament Officer V/ La Union Overseer ti National Commission on Indigenous Peoples ken dagiti magbukbukel ti Pantawid Pamilyang Pilipino Program (4Ps) nga isuda Christito O. Carrera – SWA, Vincent Paul V. Ruiz – Municipal Link, Sunshine B. Cabusora – Municipal Link iti nag-courtesy call iti opisina ti naayat nga ina ti ili Mayor Weng.
