First Monday Program tatta bulan ti Enero

Naaramid ti First Monday Program tatta a bulan ti Enero nga indauluan ti Sangguniang Bayan Office nga imatmatunan ni Vice Mayor Melvin G. Macusi nga inatendaran dagiti opisiales, kapitanes ken iti nadumaduma a lokal ken nasional nga ahensia ti gobierno. Kasta met a nakipaset iti nasao a programa dagiti MESSIAH.
Naiparang dagiti agkasangay tatta a bulan ket naikkan da ti regalo nga inpaay ti SB personnel. Inbingay ni Pastor Maribel Solomon Datuian iti nasantoan a sao ti Apo ket inpalagipna a lipatentayo no ania ti napalabas ken agsalukagtayo para iti masangoanan. Ituloytayo ti agturong iti pagpatinggaan tapno magun-odtayo ti gunggona iti nainlangitan nga ayab ti Dios babaen kenni Cristo Jesus.
Nangited met ti ababa a mensahe ti naayat nga ina ti ili, Mayor Weng ket inpalagip na iti panagtrabaho a nasayaat, ken naimpusuan a panagserbi.