First Monday Flag Raising Ceremony
Naisangsangayan tatta nga aldaw agsipud ta isu iti umuna nga aldaw iti panagopisina dagiti nagsapatan nga opisiales iti lokal a gobierno iti Sudipen kasta met ti pannakaangay iti First Monday Flag Raising Ceremony. Ti Municipal Chief Executive Hon. Wendy Joy D. Buquing kaduanna da VM Melvin G. Macusi ken dagiti miembro iti Sangguniang Bayan ket naragsak a nakidanggay kadagiti empleado a nangannong iti umuna a pannakaingato ti bandera. Kalpasanna, adda iti ababa a serbisio nga indauloan iti Messiah. Nagleppas iti programa babaen kadagiti panangibingay dagiti opisiales kadagiti pagyaman a mensahe. Daytoy naballigi a programa ket indauluan ti Rural Health Unit nga imatmatunan ni Dr. Gemma Olpindo.
Naisaganad iti panagtaripnong ti Association of Barangay Captains/Barangay Councils (ABC) iti Municipal Conference Hall. Ni ABC President Edwin Oribio ti nag-Preside iti nasao a miting. Kadua ti ABC President ti nasaririt nga ina iti ili Hon. Wendy Joy D. Buquing a nangtaming kadagiti pakaseknan dagiti Kapitanes.
Manamnama iti naan-anay a talek, suporta ken panagkaykaysa para iti naannayas a pannakaipatungpal kadagiti gagem iti daytoy nga administrasion para idi nadurdur-as a Sudipen.
