Enero 30, 2025 | Balligi ti naaramid a 1st Quarter Joint Meeting iti Municipal Council for the Protection of Children (MCPC), Local Committees on Anti-Trafficking and Violence Against Women and Children (LCAT/VAWC) ken Municipal Advisory Council (MAC)

Enero 30, 2025 | Balligi ti naaramid a 1st Quarter Joint Meeting iti Municipal Council for the Protection of Children (MCPC), Local Committees on Anti-Trafficking and Violence Against Women and Children (LCAT/VAWC) ken Municipal Advisory Council (MAC) ti ilitayo a Sudipen.

Indauloan ni Mayor Weng ti nasao a taripnong. Karaman kadagiti nakipaset ti miting ket dagiti Department Heads ken Section Heads ti LGU, SB Officials, dagiti mangidadaulo ti Municipal Police Station, Municipal Fire Station, DepEd, ken dagiti representatives ti nagduduma a CSOs ken NGOs ti ili.
Ditoy a naipakaammo dagiti nagapuanan ti ili kadagiti nagduduma a special bodies iti napalabas a bulbulan pakairamanan dagiti problema wenno reklamo nga sigud a nataming wenno naaksionan.

Naan-anay a nagyaman ti naayat nga ina ti ili iti kinapasnek ti tunggal maysa tapno maakem ti trabaho ken ti panagtutunos dagiti ahensia ken organisasion tapno maitandudo ti urnos ken talna ti ili ti Sudipen.

“Sapaykoma ta agtultuloy ti intayo panagkaykaysa tapno agtultuloy iti panagbalin tayo a Child-friendly Municipality.”- Mayor Weng