Dua a pulo ket maysa a pamilya ti nagturpos a kas 4P’s beneficiaries ditoy ilitayo a Sudipen a kas maibasar iti kaudian a rekord ti DSWD-Region I

Dua a pulo ket maysa a pamilya ti nagturpos a kas 4P’s beneficiaries ditoy ilitayo a Sudipen a kas maibasar iti kaudian a rekord ti DSWD-Region I. Ti panagturpos ket simbolo iti pannakaragpat ti arapaapda a makaeskwela dagiti annakda. Dagitoy a nagturpos ket agserbi a modelo iti usto a panangaramat dagiti programa ken serbisyo nga inpaay iti 4P’s ken sabali pay nga ahensia iti gobierno. Dagitoy a pamilya ket awanen ti annakda nga agtawen iti sangapulo ket walo nga agpababa. Addaan iti 786 a miyembros ti 4Ps ti ili a Sudipen.
Nakikaysa ken inimatangan iti naayat nga ina iti ili Hon. Wendy Joy D. Buquing, VM Melvin G. Macusi ken dagiti kameng ti Sangguniang Bayan. Timmarabay met dagiti staff ti PSWD, DSWD R01, ti MSWDO ken 4P’s Municipal Operations Office. Iti mensahe na, kinablaawan iti inatayo Hon. Wendy Joy D. Buquing dagiti nagturpos. “Agbalin kay koma a modelo iti padayo a 4Ps beneficiaries. Saankayo a madanagan ta ada iti Sustainability Program ti Gobierno tapno iti kasta ket matulungan da latta dagiti annaktayo iti panagadal da.”