Disaster Resilience Caravan

Naiyuswat ita nga aldaw ti Disaster Resilience Caravan para kadagiti Indigenous Cultural Communities ken Indigenous People (ICCs/IPs) a nagbinnuligan iti Department of Health nga ibagian ni Dr. Rick Jenssen D. Mateo, DOH- CHD I HEMS Coordinator, Ilocos Training Regional Medical Center nga inrepresenta ni Dr. Marvin F. Munar, ITRMC DRRM-H Manager, Gobierno Probinsial nga idauloan ti agay-ayat kadatayo Gov. Raphaelle Veronica “Rafy” Ortega-David ken ti lokal a gobierno ti Sudipen nga imatmatonan ti naayat nga ina iti ili Mayor Weng. Mabigbig met iti presensia ti sidadaan nga agserbi, SP Gerard Ostrea.
Ti highlight ti nasao a programa ket iso ti pannakaipaima kadatayo dagiti First Aid Kits ken Hygiene Kits babaen iti DOH-CHD I. Kasta met nga adda naisayangkat a panagsanay maipapan iti Disaster and Emergency Resilience Campaign ken CardioPulmonary Resuscitation (CPR) nga indauloan dagiti nasao nga ahensia.
Iti sibubukel nga lokal a Gobierno iti Sudipen, agyamankami iti ayat ken suportayo para iti naSUDI nga ilimi. Ado dagiti naadal dagiti timmabuno iti daytoy a panagsanay a mabalin nga ipakat no dumteng iti anya man a didigra.