Naibunong ti ganagan a naggapo ti Department of Agriculture para kadagiti mannalon a nagmula ti pagay ti Barangay Poblacion
Maysa agingga iti dua a bag ti ganagan iti awaten dagiti mannalon basar iti kalawa iti tinalonda. Daytoy a tulong ket pangsabet kadagiti kasapulan a pang-abuno iti mula a pagay tapno mapaado dagiti maapit dagiti kailiantayo a mannalon.
Ti LGU-Sudipen nga idadauluan ni Mayor Weng iyebkas na iti panagyaman iti agtultuloy a suporta ti Department of Agriculture tapno mapadur-as iti beenneg ti agrikultura ditoy naSudi nga ilitayo.
