Agdagup 23 nga estudiante ti naikkan iti trabaho ita a Bakasion 2021
Agdagup 23 nga estudiante ti naikkan iti trabaho ita a Bakasion 2021 ket nagtrabahoda kadagiti Opisina iti naduma duma a Departamento ti LGU a nakaidesignaranda. 20 nga aldaw ti naituyang a panagtrabaho ti tunggal maysa kadagitoy nga estudiante nga naggapo iti nadumaduma a pageskuelaan ti kolehio ken barangay iti ili manipud Hulyo 5, 2021 agingga iti Agosto 2, 2021. Inyawat ti naayat nga ina iti ilitayo Hon. Wendy Joy D. Buquing dagiti gunggonada a nagtrabaho kas SPES Beneficiaries itay Bigat, Agosto 9, 2021. Ti Special Program for the Employment of Students (SPES) ket nagbuligan nga inganuat ti Department of Labor and Employment (DOLE-RO1) ken ti LGU-Sudipen para kadagiti agkasapulan ti trabahoda nga agad adal ita a bakasion.Ti naited ket pakabuklan ti 60% a mabatayan ti LGU-Sudipen idinto ta iti 40% ti ited met ti DOLE-RO1 .
