Agdagup 2,000 beneficiaries a kakailiantayo ti nakaawat ti financial assistance nga sag 2,500 pesos tatta nga aldaw, Pebrero 7, 2025.

Daytoy ket naipasidong a programa ti DSWD, babaen ti inisiatiba ni La Union 1st District Congressman Francisco Paolo “PAOwer” Ortega V, ken ti LGU Sudipen.

Timmabuno ti nasao a programa dagiti Sangguniang Panlalawigan Board Members iti umuna a distrito ti La Union nga idadauloan ni Vice Governor Mario Eduardo C. Ortega, Councilor Luzan Ortega-Valero (2nd Nominee Solid North Representative), dagiti Sangguniang Bayan Officials nga imatmatunan ni VM Melvin G. Macusi ti naaramid a pannakaiwaras ti financial assistance.

Inpakaammo ni Cong. Paolo a daytoy ket tulong a kiniddaw ti opisinana manipud ti DSWD para kadagiti agkasapulan a kakailiantayo ditoy Sudipen ken kangrunaan a kabinnulig ti LGU tapno maimplementar dagiti programa a pagsayaatan dagiti umili.

Manipud ti LGU Sudipen, ipeksami ti napalaos a panagyaman, Cong. Paolo gapu ti panangikalikagommo a maikkan ti tulong ken ayat dagiti kakailian. AGYAMANKAMI ket ti Apo a Namarsua iti mangsubad dagita nga anus, ayat, tulong ken suporta nga inpaayyo para iti pagsayaatan ti ili, komunidad ken iti sangkagimongan.

PS: Para kadagiti haan na pay napadasan ti nakaawat iti aniaman nga ayuda, haan kayo madanagan kakailian ta adda manen sumaruno! AGYAMANKAMI. Dios unay ti agngina!