4TH QUARTER NATIONWIDE SIMULTANEOUS EARTHQUAKE DRILL

Naisayangkat ti 4th Quarter Nationwide Simultaneous Earthquake Drill (NSED) tattay bigat a pinartisiparan dagiti empleado ken opisiales ti lokal a gobierno ti Sudipen nga idadauloan ti naayat nga ina ti ili, Mayor Wendy Joy A. Dengayan, ken kasta met ti nasional nga ahensia kas iti Sudipen PNP, Sudipen BFP, COMELEC ken MTC. Daytoy nga aktibidad ket babaen ti opisina ti Municipal Disaster Risk Reduction Management nga imatmatonan ni LDRRMO III Joey B. Baguitan.
Naipaganetget ti panag”Duck, Cover and Hold” ken ti ipapan dagitoy ti naituding nga evacuation center. Ti nailian a tignay ti Earthquake Drill ket paset ti kanayon a panagridam ken panagsagana tapno maimula latta ti panunot no kasano ken no ania ti umno nga addang ken aramiden no bilang dumteng a bigla ti napigsa a gingined.

CLICK HERE:https://www.facebook.com/share/p/17houGHrFw/