3rd Quarter Nationwide Simultaneous Earthquake Drill (NSED) 2025

3rd Quarter Nationwide Simultaneous Earthquake Drill (NSED) 2025
Septiembre 11, 2025| Naisayangkat ti 3rd Quarter National Simultaneous Earthquake Drill (NSED) itay nabiit a pinartisiparan dagiti empleado ken opisiales ti lokal a gobierno ti Sudipen nga idadauloan ti naayat nga ina ti ili, Mayor Wendy Joy A. Dengayan ken kasta met dagiti aggapu ti nasional nga ahensia kas iti PNP, BFP, MTC, NCIP, 4P’s, DTI, COMELEC ken DILG. Daytoy nga aktibidad ket babaen ti opisina ti Municipal Disaster Risk Reduction Management nga imatmatonan ni LDRRMO III Joey B. Baguitan.
Naaramid ti ababa a lecture no ania dagiti rumbeng nga aramiden no mapasamak ti gingined kasta met dagiti wagas no mapasamak ti uram. Naipaganetget ti panag”Duck, Cover and Hold” ken ti ipapan dagitoy ti naituding nga evacuation center.
Ti nailian a tignay ti Earthquake Drill ket paset ti kanayon a panagridam ken panagsagana tapno maimula latta ti panunot no kasano ken no ania ti umno nga addang ken aramiden no bilang dumteng a bigla ti napigsa a gingined.
#NSED
#BidaAngHanda
#ResilientSUDIPEN

CLICK LINK FOR MORE:
https://www.facebook.com/share/p/1BWnPxmxHy/