2nd QUARTER NATIONAL SIMULTANEOUS EARTHQUAKE DRILL

Nakipagkaysa dagiti empleyado ken opisiales ti Lokal a Gobierno ti Sudipen iti pannakaisayangkat ti 2nd Quarter National Simultaneous Earthquake Drill (NSED) tattay bigat, Hunio 18, 2026.
Pinartisiparan daytoy ti naalibtak nga ina ti ili, Mayor Wendy Joy A. Dengayan, dagiti empleyado ti LGU, kasta met dagiti umili ken kameng dagiti nadumaduma a nasional nga ahensia kas iti MTC, NCIP, PNP, ken BFP. Babaen iti panangidalan ti Municipal Disaster Risk Reduction and Management Office (MDRRMO) nga imatmatonan ni LDRRMO III Joey B. Baguitan, naipalagip dagiti umno nga addang no mapasamak ti gingined. Naipaganetget ti panangusar iti “Duck, Cover, and Hold” ken ti ipapan dagitoy ti naituding nga evacuation center.
Ti aktibidad ket paset ti kanayon a panangpabileg iti panagsagana ken panangipasnek iti kultura ti kinasagana iti komunidad, tapno maammoan dagiti umili ken empleyado ti umno nga aramiden iti oras ti emerhensia ken mapasayaat ti pannakaisalakanda no dumteng ti aniaman a kalamidad.

CLICK HERE: https://www.facebook.com/share/p/1D6AQ39Sk5/