2025 Nationals Women’s Month

Nakikaykaysa ti Lokal a Gobierno ti Sudipen ti selebrasion iti 2025 National Women’s Month ita a bulan ti Marso babaen iti naangay a programa ditoy MAOB Hall tattay bigat babaen ti Municipal Social Welfare Development Office nga idadauloan ni Ma’am Teresita N. Pugasen. Ti selebrasion ket adaan iti tema a:”Babae sa Lahat ng Sektor, Aangat ang Bukas sa Bagong Pilipinas”.

Inlawlawag ni Pros. Añonuevo G. Solomon kenni Pros. Aaron James E. Co no anya daytoy R.A. 11930. Inbinglay ken iwaragawag dagitoy nagpaay a tagapagsarita ti importansia ti women empowerment. Inrakurak dagitoy a napateg ken adu dagiti kabaelan dagiti babbai. Naiparang iti nasao a programa ti kinapigsa, panangidaulo, ken dedikasion ti amin a babbai iti serbisio publiko ken iti tulong da iti panagdur-as iti komunidad.

Kalpasan ti lektiur, nabigbig ti nangabak ti Natatanging Juana 2025 a nagbalubalan ti 17 a babbai manipud di nadumaduma a barangay ti ili. Napili kas “Natatanging Juana” ti ilitayo ni Mrs. Rhea Lapinied ti Barangay Turod. Kasta met a naiyusuat ti panagsanay maipapan ti Basic Life Support (BLS) kadagiti partisipantes.

Saluduak amin a nakipaset iti daytoy Women’s Month ket itultuloytayo iti akemtayo ti ili ken ti kagimongan. Laglagipentayo “Babbae TAYO, saan a babbae LAENG!” Itandudotayo amin dagiti padatayo a babbai.