2-Day Skills Training
Naaramid ti umuna nga aldaw iti 2-Day Skills Training para kadagiti maibilang iti priority sector iti nadumaduma a barangay babaen iti programa ti Department of Trade and Industry nga imbagian ni DTI Staff Mae Aileen Jessica J. Munio, Resource Speaker ken Trainors a da Ma’am Imma Concepcion G. Estabillo ken Ma’am Pauline T. Damaso a naggapo iti DMMMSU – Food Technology Department , ken iti pannakikammayet ti LGU-Sudipen nga imatmatonan ti naayat nga ina iti ili Hon. Wendy Joy D. Buquing.
Dagiti pagresultaan ti panagtraining da ket makapartuatda iti Ube Cookies, Ube Pastillas ken Ube Chips. Segun iti DTI Officer, ti kangrunaan a panggep ti programa a tulongan dagiti adda iti priority sector ken SWIPO a mangiyagpang iti kabaelanda iti matarusanda a pagkakitaan tapno manayonan ti matgedanda. Mangnamnama ti opisial ti DTI a mataginayon dagitoy a proyekto a maited babaen iti panagtinnulong ti ahensia ti DTI-La Union ken iti LGU-Sudipen.
