1ST QUARTER NATIONAL SIMULTANEOUS EARTHQUAKE DRILL

Naaramid ti 1st Quarter National Simultaneous Earthquake Drill (NSED) itay nabiit a pinartisiparan dagiti empleado ken opisiales ti lokal a gobierno ti Sudipen nga idadauloan ti naayat nga ina ti ili, Mayor Wendy Joy A. Dengayan, kasta met ti nasional nga ahensia, dagiti agindeg ti Barangay Old Central ken dagiti mamaestro/mamaestra ken annaktayo nga agad-adal idiay San Francisco National High School.
Daytoy nga aktibidad ket babaen ti opisina ti Municipal Disaster Risk Reduction Management nga imatmatonan ni LDRRMO III Joey Baguitan.
Naaramid ti ababa a lecture no ania dagiti rumbeng nga aramiden no mapasamak ti gingined kasta met dagiti wagas no mapasamak ti uram. Naipaganetget ti panag”Duck, Cover and Hold” ken ti ipapan dagitoy ti naituding nga evacuation center.
Ti nailian a tignay ti Earthquake Drill ket paset ti kanayon a panagridam ken panagsagana tapno maimula latta ti panunot no kasano ken no ania ti umno nga addang ken aramiden no bilang dumteng a bigla ti napigsa a gingined.

CLICK HERE: https://www.facebook.com/share/p/1DqiNoo4RU/