1st Monday – July 2023
Naaramid ti First Monday Program tatta a bulan ti Hulio nga indauluan ti Rural Health Unit (RHU) nga imatmatunan ni Dr. Jerson S. Bangaoil nga inatendaran dagiti opisiales, kapitanes ken iti nadumaduma a lokal ken nasional nga ahensia ti gobierno. Kasta met a nakipaset iti nasao a programa dagiti MESSIAH.
Inbingay ni Pastor Mina Dictaan Sudario iti nasantoan a sao ti Apo ket inpalagipna a kanayontayo koma a nakakonekta iti puon ti ubas tapno agbungatayo. No dadduma ado dagiti pagdalanantayo a tattao a manglapped iti panagserbi ngem no kanayontayo a nakakonekta iti puon ti ubas a ni Apo Hesus, ipaayna kadatayo iti bara ti apoy nga agserbi.
Naiparang met dagiti agkasangay tatta a bulan ket naikkan da ti regalo nga inpaay ti RHU personnel. Nangited met ti ababa a mensahe ti ina ti ili Mayor Weng ket inpalagip na iti panangtrabaho a nasayaat, ken naimpusuan a panangserbi.
