3RD QUARTER JOINT MEETING

Naannayas a nagleppas ti 3rd Quarter Meeting dagiti kameng ti Municipal Peace and Order Council (MPOC) ken ti Municipal Anti-Drug Abuse Council (MADAC), Municipal Disaster Risk Reduction and Management Council (MDRRMC), ken dagiti Municipal Solid Waste Management (SWM) Board Members ken Technical Working Group (TWG) tattay malem idiay MAOB Hall nga idadauloan ti naalibtak nga ina ti ilitayo, Mayor Weng.

 

Nakipaset iti taripnong dagiti mangibagi iti Sudipen Municipal Police Station, Sudipen Municipal Fire Station, dagiti LGU department ken section heads, ken dagiti representatives manipud kadagiti nadumaduma a Civil Society Organizations (CSOs) ken Non-Government Organizations (NGOs). Babaen iti daytoy a taripnong, mapapintas pay ti serbisyo, mapatalged ti linak ken talna kasta met a mapapintas pay ti nasudi nga ilitayo.

 

Nangipaay met ni Mayor Weng iti panagyaman iti kinapasnek ken panagtitinnulong dagiti amin a stakeholders tapno mapatalinaed ti seguridad ken kinaimbag iti ilitayo a Sudipen.