118 Founding Anniversary ng Sudipen : Sudipen a Rumegregget, Istoria a Ngumayngayed | Part 1.1
Indauluan ti ay-ayatentayo nga ina iti ili, Mayor Weng ti panagrambak ti maika-118 Founding Anniversary iti ilitayo a Sudipen nga addan iti Tema: “Sudipen a Rumegregget, Istoria a Ngumayngayed!”.
Immuna a naisayangkat ti Thanksgiving Service babaen kadagiti MESSIAH kas pagyaman ti gobierno lokal iti panakadanon ti ili ti maika-118 a tawen ti pormal a panagbalin kas maysa a Munisipio iti probinsia ti La Union. Naisaruno ti Flag Raising Ceremonies nga idauluan dagiti Sudipen District Teachers.
Inatendaran daytoy dagiti opisiales ti Sangguniang Bayan nga idauluan ni VM Melvin G. Macusi pakairamanan dagiti empleado iti munisipio, mangisursuro, opisina iti National Agency kas iti Sudipen MPS, Sudipen BFP, Municipal Trial Court ken NCIP, Kakapitanes ken dagiti Awardees.
Ti highlight ti nasao a programa ket iso ti panangbigbig kadagiti sumaganad:
1. Golden Boulder of Amburayan Athletic Award
3. Living Angalo Award of Distinction
4. Dr. Jose Rizal “BIN-I” Award for Academic Excellence
5. Namnama ti ili Award of Achievement
6. Roque Mostoles Memorial Award of Dedication in Public Service (25 years of Service)
7. Agustin Dangle Memorial Award of Dedication in Public Service (Retirees)
8. Public Service Award (Last Termer)
9. Loyalty Award
Segun kenni Mayor Weng, rumbeng laeng a marambakan iti Sudipen Founding Anniversary gapu ta daytoy ti mangipamatmat iti panangbigbig iti kinamaingel dagiti naglabas a liderato a namagpagbalin a maysa a Munisipio ti ilitayo. Mangipakita daytoy ti kaadda ti kabukbukudan a pagtaktakderan dagiti Ilokano.
“Sapaykoma ta daytoy nga aldaw ket mangted namnama ken insperasion para iti nasaysayaat pay a masakbayantayo kas sangsangkamaysatayo nga umili ti Sudipen! “ -Mayor Weng
#118thfoundinganniversary
#sudisudipen
Part 1.1
