2nd Quarter Joint Meeting

Naannayas a nagleppas ti 2nd Quarter Joint Meeting dagiti Municipal Peace and Order Council (MPOC), Municipal Anti-Drug Abuse Council (MADAC), Municipal Disaster Risk Reduction and Management (MDRRM), ken Solid Waste Management (SWM) Board ti ilitayo a Sudipen tattay malem, Mayo 26, 2026. Nagpaay a presiding officer ti ayatentayo nga ina ti ili, Mayor Wendy Joy A. Dengayan.
Timmabuno iti nasao nga aktibidad dagiti department heads ken opisiales ti munisipio. Nakipaset met dagiti miembro ti MPOC, MADAC, MDRRM, SWM, Section Heads ti LGU, PNP, BFP ken CSOs.
Ditoy a naipakaammo dagiti nagapuanan ti ili kadagiti nagduduma a special bodies iti napalabas a bulan. Kasta met a naidatag dagiti nadumaduma a pakakumikuman ti tunggal maysa a nasolusionan kamaudiananna.
“Pagyamanan ti partisipasion ti amin a sektor iti panangibinglay kadagiti naggapuanan da iti naglabas a tallo a bulan. Manamnama ti agtultuloy a panagkikinnayamet ken panagkaykaysa tapno maited ti napateg ken nasayaat a serbisio iti entero a komunidad.” – Mayor Weng

CLICK HERE: https://www.facebook.com/share/p/1JHX3uSWrZ/